نان اسٹک فرائنگ پین یا توے پر ٹماٹر کو رکھیں اور اوپر سے ڈھکن بند کرکے ہلکی آنچ کر دیں جب ٹماٹر نرم پڑجائیں تو چولہا بند کریں اور ٹماٹر ٹھنڈے ہونے کا انتظار کریں۔
پھر ان کا چھلکا اُتار لیں۔
پھر اسے گرائنڈر میں ڈال کر پیسٹ بنالیں کوشش کریں کہ پانی نہ استعمال کیا جائے۔
اسکے بعد تیل گرم کرکے اس میں پنیر کے چھوٹے ٹکڑے ڈالیں اور اسے تَل لیں جب پنیر کے ٹکڑے سنہری رنگ ہو جائیں تو اسے نکال لیں اور ٹھنڈے پانی میں بھگو دیں۔
پھر پیاز کو باریک کتر لیں۔
ادرک اور لہسن کا باریک پیسٹ بنائیں اور ہرے دھنیا کو باریک کترلیں۔
کسی کڑاہی میں تیل گرم کریں پھر اس میں زیرہ بھی ڈال دیں۔
جب یہ پکنے لگے تو اس میں پیاز ملادیں۔
جب پیاز تلنے لگے اور اس کا رنگ تبدیل ہو جائے تو اس میں پسا ہوا لہسن اور ادرک کا پیسٹ شامل کریں اور چمچ چلاتے رہیں۔
اب اس میں دھنیا اور سرخ مرچ پاؤڈر شامل کریں اور ایک منٹ کیلئے بھونیں۔
اسکے بعد اس میں ٹماٹر کا پیسٹ ملادیں اور اچھی طرح بُھون لیں۔
پنیر کو پانی سے نکال لیں اور اسے مصالحے میں شامل کرلیں اور چمچ چلائیں جب پکنے لگے تو اس میں قصوری میتھی کا اضافہ کریں اور آنچ دھیمی کرکے پکنے دیں۔
دس منٹ کے لیے دم دیں پھر اوپر سے گرم مصالحہ پاؤڈر اور دھنیا چھڑک کر پیش کریں۔